«Медиазона» порталының дерегінше, соңғы үш жылда Ресейде жоғалған немесе қаза тапқан азаматтарды тануға қатысты 111 мыңнан астам іс соттарға тіркелген.
Алайда қазір ашық дереккөздерде небәрі 41 мыңдай іс ғана қолжетімді, қалған 70 мыңға жуық іс сот сайттарынан алынып тасталған. 50 аймақта 2025 жылы тіркелген мұндай істер мүлде көрінбей қалған.
Бұл туралы Todayinfo.kz ақпарат агенттігі хабарлайды.
Мысалы, Ростов облысындағы Октябрь аудандық соты – жоғалғандар туралы арыздар саны бойынша алдыңғылардың қатарында болған. 2024 жылдың басынан бері бұл сотқа 4 мыңнан астам арыз түссе, қазіргі таңда сайтта олардың тек 102-сі ғана көрініп тұр.
Сот істерінің неге жасырылып жатқаны маңызды?
«Медиазона» мамандарының айтуынша, бұл статистика ресейлік армияның шығындарын бағалаудың бір жолы болатын. Алайда істердің жабық режимге көшуі салдарынан бұл мәліметтерге қол жеткізу қиындаған.
Ашық сот базаларындағы деректер жойылуы – азаматтардың ақпаратқа қолжетімділігін шектеп, соғыс шығындарын тәуелсіз бақылауды тежейтін қадам ретінде қарастырылып отыр.
Қазақстандықтар үшін бұл жағдай көрші елдегі ақпарат саясаты мен сот ашықтығына қатысты елеулі өзгерістерді көрсетеді.
