Семейде соққыға жығылған 11 жасар балаға қазақстандықтар 4 бөлмелі пәтер алып берді (ВИДЕО)

Семейде жасөспірімдердің шабуылына ұшырап, ауыр соққы алған 11 жасар балаға ел тұрғындары бірігіп, жаңа 4 бөлмелі пәтер алып берді,деп хабарлайды Todayinfo.kz ақпарат порталы. Ерікті Динара Садырбаева Almaty.Official сайтына берген мәліметінде қазақстандықтардың баланың отбасына көмектесу үшін рекордтық көлемде қаржы жинағанын хабарлады. 35 миллион теңге көлеміндегі қаржыға жаңа пәтер сатып алынған. Балаға медициналық және психологиялық көмек көрсетілуде Облыстық бала құқықтары жөніндегі уәкіл Эльзира Жүнісова баланың қазіргі жағдайы туралы ақпарат берді. Оның айтуынша, бала толық медициналық тексерістен өтіп, қажетті психологиялық қолдау алуда.

"Баланың отбасына көмектескісі келетіндер өте көп. Жақсылық жасаған барлық қазақстандықтарға отбасы шын жүректен алғыс білдіреді", – деп жазды уәкіл.

Үй алу процесі әділ өтті Пәтер таңдау мен оны сатып алу барысының ашық әрі әділ өтуі үшін өңірлік және қалалық мәслихат депутаттарынан, адвокаттар мен қоғамдық бірлестіктер өкілдерінен арнайы комиссия құрылғаны хабарланды.