Семейдегі жасөспірімдер оқиғасы: комитет ақпарат таратуды тоқтатуға шақырды

Фото: білім басқармасы Семей қаласында кәмелетке толмаған балаға жасөспірімдер күш көрсеткен бейнежазбаның кеңінен таралуына байланысты ҚР Оқу-ағарту министрлігі Балалардың құқықтарын қорғау комитеті бұл ақпаратты таратуға шектеу қоюды сұрады,деп хабарлайды Todayinfo. 🔹 Кінәлілер жауапкершілікке тартылды, оқиға бақылауда. 🔹 Бала құқықтары жөніндегі өңірлік уәкіл жағдаймен айналысуда. 🔹 БАҚ пен блогерлерге зардап шеккен баланың фотосуреттері мен жеке деректерін жарияламау ескертілді. Заңға сәйкес, кәмелетке толмаған балалардың жеке басын анықтайтын ақпаратты таратуға тыйым салынады. «Қоғамды бұл оқиғаны одан әрі ушықтырмай, балалардың құқығын қорғауға шақырамыз», - деді комитет.