Шымкентте заңгер тұрғындарды 32 млн теңгеге алдап кеткен

Шымкентте полиция қазақстандықтарды 32 млн теңгеге алдаған «білікті заңгерді» ұстады, - деп хабарлады Polisia.kz.

  Шымкент қаласы мен Түркістан облысының 15 тұрғыны алаяқтықтың құрбаны болды. Өзін білікті заңгер ретінде таныстырған ер адам «тұрғындардың бизнес жоспарын іске асыру үшін мемлекеттен қайтарымсыз грант пен арнайы төлемдер алуға көмектемін» деп уәде берген. Мұндай «қызметтің» құны 200 мың теңге мен 2,5 млн теңге аралығында болған. Алданып қалғанын түсінген жәбірленушілер полицияға арызданған. Келтірілген шығын сомасы – 32 млн теңге.  

Жедел-іздестіру іс-шарасы барысында Тұран аудандық ПБ криминалдық полиция бөлімінің жедел уәкілдері күдіктіні ұстады. Ол бірнеше рет алаяқтық жасауы мүмкін. Бүгінде ер адам қамауда отыр. Todayinfo.kz