Тараз металлургия зауытынан өрт шықты

Бүгін түнде Тараз қаласындағы металлургия зауытының аумағында жоғары вольтты трансформатор жанды, деп хабарлайды Todayinfo ақпараттық порталы.  Өрт сөндіру жұмысын трансформатордың багындағы 60 тонна май қиындатты. Құтқарушылардың үйлесімді іс-қимылының арқасында тілсіз жау жақын маңдағы трансформаторлар мен зауыт ғимаратына таралмады. Жалын 80 шаршы метр аумақты шарпыды. ТЖМ күш-құралдары отты сөндірді. Зардап шеккендер жоқ. Өрттің себебі анықталып жатыр.