Тель-Авив пен Тегеран тіресі: Израиль шабуылынан Иранда 224 адам мерт болды

Израиль әуе соққыларын жасап, Иранның 224 адамын өлтірді, деп хабарлайды Todayinfo. Соғыстан тағы 1200-ден астам адам жарақат алған.  Израиль өздерінің басты қарсыласы Иранға 65 сағаттық әуе соққыларын жасады. Иран Денсаулық сақтау министрлігінің өкілі Хосейн Керманпур мәлімдеуінше, зардап шеккендердің 90 пайыздан астамы бейбіт тұрғындар.  Тығырыққа тірелген Иран билігі Орбуз бұғазын жабу туралы да мәселені көтерді. Иран парламентінің ұлттық қауіпсіздік жөніндегі өкілі Эсмаил Косари бұғазды жабу мәселесі қаралып жатқанын айтты. Әлем тығырыққа тірелгендей, дипломатиялық келіссөздер тоқтады. АҚШ пен Иран арасындағы Маскатта өтуі тиіс келіссөздер өтпейтіні хабарланды. Иран Президенті Эммануэль Макронмен сөйлесу кезінде Израиль шабуылдары тоқтамайынша АҚШ-пен ешқандай келіссөз болмайтынын мәлімдеді. Израиль соққысынан Ислам революциясы Қамқоршылар корпусының барлау басшысы мен оның орынбасары да өлтірілді.