UFC-дегі алғашқы жеңіс: Әліби Ыдырыс Хьюстонда қарсыласын тізе бүктірді
Қазақстандық файтер Әліби Ідіріс Хьюстонда өткен UFC турнирінде жеңіске жетті. Ол ямайкалық Оде Осборнды төрешілер шешімімен ұтты.
Қазақстандық файтер Әліби Ыдырыс әлемнің ең мықты лигасы саналатын UFC-дегі алғашқы жеңісіне қол жеткізді. Ол АҚШ-тың Хьюстон қаласында өткен турнирде ямайкалық Оде Осборннан басым түсті, деп хабарлайды Todayinfo ақпарат агенттігі.
Ең жеңіл салмақтағы жекпе-жек үш раундқа созылып, төрешілердің бірауыз шешімімен отандасымыздың пайдасына аяқталды.
Осылайша, Әліби Ыдырыс (12-1) кәсіби мансабындағы 12-жеңісін тойлады. Оның қоржынында бір ғана жеңіліс бар. Ал оның қарсыласы Оде Осборн (13-10) оныншы рет жеңілістің кермек дәмін татты.
Бұл – Ыдырыстың UFC аясындағы екінші жекпе-жегі. Ол промоушенмен ұзақмерзімді келісімшартқа отырғаннан кейін бірінші рет октагонға шығып отыр.
Еске салсақ, былтыр тамызда ол The Ultimate Fighter (TUF) шоуының финалында америкалық Джозеф Моралеске екінші раундта есе жіберіп, мансабындағы алғашқы сәтсіздікке ұшыраған еді.
Оде Осборнның қазақстандық файтермен кездесуі бірінші рет емес. Ол 2023 жылы тағы бір жерлесіміз Асу Алмабаевтан мерзімінен бұрын жеңіліп қалған болатын.
Фото: UFC
Похожие материалы
Новости
В Казахстане завершены защитные мероприятия против саранчовых вредителей: повреждений сельхозкультур не допущено
Жаннұр Еділбаева·
Новости
Елімізде шегіртке зиянкестеріне қарсы қорғаныс іс-шаралары аяқталды: ауыл шаруашылығы дақылдарының зақымдалуына жол берілген жоқ
Жаннұр Еділбаева·
Новости
Партиялық жаңғыру: саяси ауыр салмақтылар жаңа көшбасшыларға жол беруде
Жаннұр Еділбаева·
Новости
«Нәпсінің қалауы, иттігіміз»: Омар Жәлел көп әйел алу туралы ойын айтты
Айғаным Нариманова·
