Ұлытау облысында З млрд теңгенің кені заңсыз өндірілген

Ұлытау өңірінде марганец рудасын рұқсатсыз өндіруге және кейін оны заңдастыруға қатысты тергеуі аяқталып, істі сотқа жолданды, деп хабарлайды Todayinfo.kz.  Агенттіктің мәліметінше, күдікті 2020-2023 жылдар аралығында рұқсат құжаттарсыз Ұлытау облысындағы «Восточный карьерінен» марганец рудасын заңсыз өндірумен айналысқан. Ол жалған шот-фактураларды жазып, заңсыз өндірілген марганец рудасын заңдастырып, республика бойынша және шет мемлекеттерге өткізген.

- Мемлекетке 1 млрд теңгеден астам шығын келген. Заңсыз өндірілген кен көлемі – 16 мың тонна. Құны 3 млрд теңгеден асады, – делінген ҚМА хабарламасында.

Күдіктінің 337 млн теңгенің жылжымалы және жылжымайтын мүлкі тәркіленді. Қылмыс «Қазақстан Ғарыш Сапары» АҚ-ның аэроғарыштық суреттерінің көмегімен анықталды.