Жалғас Жұмағұлов Прагада өткен Oktagon 81 турнирінде Давид Дворжакты дәрігер тоқтатып, белбеуін сәтті қорғады.
Қазақстандық файтер Жалғас Жұмағұлов Чехияның Oktagon промоушенінде чемпиондық атағын алғаш рет сәтті қорғады. Ол Прагада өткен Oktagon 81 турнирінде мерзімінен бұрын жеңіске жетті.
Бұл туралы
Todayinfo порталы хабарлайды.
Турнирдің соглавный жекпе-жегінде Жұмағұлов чехиялық Давид Дворжакпен кездесті. Үш раундтан кейін қарсыласы жекпе-жекті жалғастыра алмай, дәрігер шешімімен төртінші раундқа шықпады.
Жекпе-жек нәтижесі және статистика
Осылайша, Давид Дворжак кәсіби мансабындағы жетінші жеңілісіне ұшырады, оның қоржынында 22 жеңіс бар. Ал Жалғас Жұмағұлов үшін бұл мансабындағы 19-шы жеңіс болды, қазіргі рекорды — 19 жеңіс және 9 жеңіліс.
Бұл нәтиже Жұмағұловтың Oktagon чемпионы ретіндегі мәртебесін бекіте түсті. Қазақстан жанкүйерлері үшін бұл – Еуропадағы беделді лигада ел намысын қорғаған тағы бір маңызды жеңіс.
View this post on Instagram
A post shared by OKTAGON (@oktagonmma)
Жұмағұлов: «Келесі мақсатым – екі салмақта чемпион болу»
Жекпе-жектен кейін Жалғас Жұмағұлов жеңіске жетудегі бапкерінің рөлін ерекше атап өтті. Оның айтуынша, тактикалық жоспар қарсыласты алғашқы минуттарда шаршатып, кейін қарқын қосуды көздеген.
«Кешегі уәдем бар еді: сөз аз, бірақ торда дәлелдедім. Мен бапкерім Артём Левинмен жұмыс істедім, бәрін бірге істедік. Артём, сен мықтысың, өте ризамын!
Жоспарымыз – алдымен оның қарқынын түсіру, өзім де “жылынып” алу, содан кейін бірінші раундтың екінші минутынан бастап газ беру болды. Мені әрдайым ел қолдайды, өйткені мен елім үшін шығамын және қазақ деген кім екенін көрсетемін.
37 жаста болсам да, біз, қазақтар, 35-тен кейін ашыламыз. Бүгін мен енді ғана бастайтынымды дәлелдедім. Бір салмаққа жоғары көтеріліп, қос чемпион атанғым келеді», – деді Жұмағұлов.
