«Жарамсыз көлікті сатып жіберген»: Астаналық сатып алушы сотта жеңіп шықты

Фото: rent-car-az.ru Астана соты сапасыз көлікке қатысты дауды сатып алушының пайдасына шешті, деп хабарлайды Тodayinfo ақпараттық порталы. Азаматтық істер жөніндегі ауданаралық соты азамат М-ның автокөліктерді сатумен айналысатын ЖШС-не қатысты шартты бұзу, автокөлікті қайтару, оның құнын өндіру және моральдық зиянды өтеу туралы талап қоюы бойынша істі қарады. Жауапкер автокөлікті қайтарып алудан бас тартып, анықталған кемшіліктерді түзетпеген. Кепілдік шарттарына сәйкес (36 ай немесе 60 мың шақырым) жауапкер ақауларды жоюға міндетті, бірақ ол бұл міндеттемені орындамаған.

«Жауапкердің өкілі сотта шарттың барлық талаптары орындалғанын және өз тарапынан заң бұзушылықтардың жоқтығын айтты. Сараптама нәтижесінде көлік құралын пайдалану мүмкін болмайтын өндірістік кемшіліктен болуы мүмкін ақаулардың бар екені анықталды. Сот, жауапкер талап қоюшының сапасыз автокөлікті беру фактісін растайтын бірнеше рет шағым түсіргенін дауламағанын атап өтті. Ұсынылған дәлелдемелерді ескере отырып, сот талап қоюды қанағаттандырып, тұтынушының құқығын қорғады», – делінген ақпаратта.

Шешім заңды күшіне енді.