«Жыл сайын жасасақ та артық емес»: Ринат Зайытов Абай Құнанбайұлының 180 жылдығы туралы

Мәжіліс депутаты, айтыскер ақын Ринат Зайытов Абай облысы Қарауылтөбеде өткен Абай Құнанбайұлының 180 жылдық мерейтойын атап өту ұлттық рухты көтеретін ұлу думан екенін айтты, деп хабарлайды todayinfo.kz

«Сәл артқа шегініс жасап 1995 жылға қайтар болсақ, сол жылы біз Абайдың 180 жылдығын тойласақ, бәйгені, айтысты көрсек деп армандадық. Тілегіміз орындалып, Абайдың жерінде күллі қазақ бас қосып, бас ақынымыздың мерейтойын атап өтіп жатырмыз. Бүгін бір ерекше той болып жатыр, себебі ұлттық рух, Абайдың рухы бізге шабыт беретін мерейтой. Әлдекімдер той не керек деуі мүмкін, бірақ бұл рухымызды лаулататын ғажап той. Ләйім рухымыз сөнбесін. Абайдың тойын жыл сайын жасасақ та артық болмайды. Бірақ бес жыл сайын бір келсе де, Абай атамыз бүкіл халықтың, биліктің назарын осы Семей өңіріне аударатын болады. Той тойға ұласа берсін, өте қуаныштымын», деді депутат.

Фото: Мәжіліс