Алматыда нөсер жаңбыр кезінде тұрғын үйге найзағай түсті. Найзағай екі қабатты үйдің шатырына түскен. Найзағай лезде үйді күлге айналдырып жіберген, деп хабарлайды Todayinfo ақпараттық агенттігі.
Найзағай соққан сәтте үйде адамдар болған. Тұрғын үй Алатау ауданының Ұлжан шағын ауданында орналасқан. Оқыс оқиғадан үйдің отбасы мүшелері аман қалған. Найзағай түсердің алдында ғана екі баласын анасы бірінші қабатқа жіберіп, өзі баспалдақпен төмен түсіп келе жатқан. Сол сәтте үйге жайын түсіп, шатыр өртке оранған. Абырой болғанда адам шығыны жоқ. Өрт сөндірушілер қызыл жалынға оранған үйді сөндіріп алған. Аяқ астынан далада қалған отбасы қазір уақытша жаздық баспананы паналап отыр.
«Ұлжан-1, Ақжазық көшесіндегі үйде тұрам. Найзағайдан үйіміз түгел жарамсыз болып қалды, мемлекеттен ешқандай көмек болмады. Көршілерім аздап қолдарынан келгенше көмектесті, биліктен қайыр болмады. Қазіргі уақытта есік алдындағы «времянкада» бала-шағаммен бірге тұрып жатырмыз. Жағдайымыз мәз емес, үйді жөндеу көп қаражатты қажет етеді», — деді үйі өртенген ұстаз Мадина Қыстаубаева.
Мұғалім Алатау ауданындағы №205 мектепте сабақ береді. Айлықпен күн көріп жатқан ұстаздың күйеуі жүргізуші. Үй толықтай жарамсыз болып қалған.
Мадина Қыстаубаеваға көмек қолын созам деген жандарға каспи голд: 8 747 202 54 61
Карта комері: 4400 4301 0796 3610
