Йемендік бүлікшіл «Ансар Аллах» қозғалысының хуситтері БҰҰ ұшағының Йеменнің шығысындағы Мариб провинциясының әуежайына қонуына жол бермеді, деп хабарлайды Todayinfo агенттігі Kazinform-ға сілтеме жасап.
Хуситтер дүниежүзілік ұйым ұшағының Мариб провинциясына қонуына екінші рет мүмкіндік бермеді.
Бұған дейін хуситтердің АҚШ пен Ұлыбритания азаматтарынан тұратын БҰҰ қызметкерлеріне «Ансар Аллах» ұйымының бақылауындағы Йемен аудандарын босатуға бір ай уақыт бергені хабарланған болатын.
Израиль мен Палестина арасындағы қақтығыс кезінде Йемен хуситтері Еуропа мен Азия арасындағы негізгі сауда жолын жауып тастады. Бұл жолмен өтетін тауар дүниежүзілік сауданың 15%-ын құрайды. Әзірге америкалық зымырандар да, Ұлыбританияның әскери кемелері де теңіз жолындағы бөгетті бұза алмай отыр.
«Израиль мен Палестина арасындағы қақтығыс жағдайында Йемендік хуситтер Еуропа мен Азия арасындағы негізгі сауда жолын жауып тастады және әзірге ештеңе — американдық зымырандары да, британдық фрегаттар да — теңіз жолының қоршауын алып тастауға көмектеспейді, бұл шамамен әлемдік сауданың 15% құрайды»,- деп жазылған.
Нью-Йорк Таймс басылымы йемендік «Ансарулла» тобының шабуылы Қызыл теңіздегі кемелер қозғалысына тигізген әсерінің картасын жариялады.
Суретте көрсетілгендей, хуситтер шабуылына дейінгі кемелер қозғалысы жасыл түспен, шабуылдан кейінгі кемелер күлгін түспен белгіленген.
Бір апта бұрын АҚШ пен Ұлыбританияның әуе және әскери кемелері Йемендегі көтерілісші хуситтер тобына соққы бере бастады.
Бұған дейін біз Қызыл теңіздегі кемелерге шабуыл жасап, әлемдік сауданы бұзушы хуситтердің кім екені туралы жазған болатынбыз.
Todayinfo.kz
