Алматы қалалық орталық клиникалық ауруханасы (ЦГКБ) медициналық жабдықты пайдалану кезінде өрескел бұзушылықтарға жол берген. Сауда және интеграция министрлігінің хабарлауынша, ауруханада 2026 жылдың ақпан айына дейін науқастардың жағдайын бақылайтын 106 модуль міндетті тіркеу, тексеру және дәлдікті растау рәсімдерінен өтпеген, деп хабарлайды Todayinfo ақпарат агенттігі.
Техникалық реттеу және метрология комитетінің мамандары жүргізген жоспардан тыс тексеру барысында аталған жабдықтың жүрек соғысы, қан қысымы, қандағы оттегі деңгейі, ЭКГ және дене температурасын өлшейтін құрылғылар екені анықталды. Бұл – науқастың өміріне тікелей әсер ететін маңызды техника.
«Мұндай жабдықты өлшеу дәлдігін растамай пайдалану клиникалық шешімдер қабылдауға тікелей әсер етеді және пациенттердің қауіпсіздігіне қауіп төндіреді», – делінген министрлік хабарламасында.
Ауруханаға бұзушылықтарды жою және жабдықты талапқа сай келтіру туралы нұсқама берілді. Сонымен қатар, мекеме ҚР Әкімшілік кодексінің 419-бабы бойынша жауапкершілікке тартылып, 600 АЕК (2,595 млн теңге) көлемінде айыппұл салынды. Айыппұл төленген.
