Иран сырттан келетін ықтимал құрлықтағы шабуыл қаупіне байланысты ел ішінде еріктілерді жинау науқанын бастады, деп хабарлайды Todayinfo ақпарат агенттігі.
Бұл туралы The Wall Street Journal басылымы жазды. «Жан пида» деп аталған бұл шараның басты мақсаты – ел аумағын қорғауға дайын азаматтарды жұмылдырып, олардың рухын көтеру. Осыған орай жергілікті тұрғындарға ұялы телефон арқылы арнайы хабарламалар жіберіле бастаған.
"Америка-сионистік қарсыластың қаупіне байланысты ұлттық қорғанысқа жұмылу басталды", - делінген хабарламада.
Сонымен қатар, елдің ірі қалаларының бірі Исфаханның тұрғындары қалаға кіреберістер мен жақын маңдағы елді мекендерде қауіпсіздік күштерінің жаңа бақылау-өткізу бекеттерін орнатып жатқанын хабарлаған. Бұл аймақтағы шиеленістің артуына байланысты қабылданған ішкі қауіпсіздік шараларының бір бөлігі болып отыр.
Фото: Әлеуметтік желіден
