Аспанымызды Ресей бомбаларынан азат ету керек: Зеленский Батыс елдеріне жүгінді

Украина басшысы әлеуметтік желілерде үндеу жариялады. Зеленский Батыс елдерінен Ресейдің әскери нысандарына ұзақ қашықтықтағы қарумен соққы беруге рұқсат сұрады. Сонымен қатар, Зеленский Украинаға қосымша әскери жабдықтау қажет екенін айтты.

"Украинаның аспанын Ресейдің басқарылатын әуе бомбаларынан тазарту - бұл Ресейді соғысты тоқтатуға және әділ бейбітшілікке ұмтылуға мәжбүр ететін күшті қадам. Мен АҚШ, Ұлыбритания, Франция және Германияға айтамын: бізге Украина мен украиндарды нақты және толық қорғау үшін мүмкіндіктер қажет. Бізге ұзақ қашықтыққа оқ атуға рұқсат, сондай-ақ ұзақ қашықтыққа арналған снарядтар мен зымырандар қажет. Бұл өміріміз үшін маңызды шешімдер. Оқиғаға дұрыс әсер етуі кейінге қалдыруға болмайтын шешімдер ", — деді ол.

Президент Зеленский Украинаның батыс одақтастарымен әуе шабуылына қарсы қорғаныс келісімдері бар екенін атап өтті. Естеріңізге сала кетейік, бұған дейін Украинаның әуе күштері одақтастарынан алған F-16 ұшағының бірі апатқа ұшырағанын хабарлаған болатын. 27 тамызда Зеленский Ресеймен соғысты аяқтау жоспарын жасап жатқанын айтты. Оны АҚШ президенті Джо Байденге ұсынғысы келеді.