Атақ сұраудан үмітім үзілді – Еспанов

Танымал әнші, композитор Нұрлан Еспанов «Астарлы ақиқат» бағдарламасында Қазақстанның еңбек сіңірген мәдениет қайраткері атағын неге алмағанын түсіндірді,деп хабарлайды Todayinfo.

«Бәрін менің ақкөңілдігім құртты. Мен әлеуметтік желідегі парақшама әзіл саламын ғой. Бірде Астанада жүретін үлкен азаматқа неге маған 10 жыл бойы құжат жинатып, алдадыңдар деп өкпемді айттым. Сонда ол маған: "Сенің инста парақшаңда бір іліп алар, салмағы бар дүние жоқ қой" деді. Ол менің жеке парақшам, өмірде қандай екенімді білмейсіздер ғой дедім.Менен 20 жас кіші, бір күні қарасам, 30 жас кіші балалар еңбек сіңірген қайраткер атағын алып жатыр. Содан бұл атақ маған керегі жоқ шығар деп ойладым. Қазір 52-ге келдім, бір шетінен атаққа да кешіктік. Сол себепті қазір сұрамайтын болдым. Үмітім де жоқ», – деді әнші.