"Халықты сабырға шақырамын": Марат Сұлтанғазиев Талғар трагедиясы туралы пікір білдірді

Алматы облысының әкімі Марат Сұлтанғазиев Талғарда елді шулатқан жағдайға байланысты пікір айтты, деп хабарлайды Qazaq today агенттігі. Облыс әкімі қайғылы отбасына көңіл айтып, тергеудің барынша "ашық" жүріп жатқанына сендірді. «Біз ол отбасыға өз көңілімізді айтамыз. Жалпы бұл мәселе біздің назарымызда. Құқық қорғау органдары өз жұмысын атқарып жатыр. Іс ішкі істер министрі мен бас прокурордың жеке бақылауында. Сол себептен біздің аудиторияға айтқым келгені сабыр сақтап, құқық қорғау органдарының берген мәліметтеріне көңіл бөліп, сену. Қазір олар ашық жұмыс істеп жатыр. Әр жұмысы бойынша БАҚ-та ақпарат жариялап жатыр», - дейді Марат Сұлтанғазиев. Еске салайық, Талғар трагедиясының елді шулатып, қоғамның назарын аударғанына үш айға жуықтады. Ғайыпбаевтің тосын өлімі тағыда қоғамды дүр сілкіндірді. Оның соңы Шерзаттың әкесі қамалып, әпкесінің жер аударылуымен аяқталды. Атышулы оқиғаның соңы қалай және қашан бітері белгісіз.