Павлодар облысында педофил 20 жылға сотталды

Фото: ашық дереккөзден Павлодар облысының қылмыстық істер жөніндегі мамандандырылған ауданаралық соты кәмелеттік жасқа толмаған балаға зорлық жасаған күдіктіге үкім шығарды, деп хабарлайды Todayinfo. Сот процесі жабық жағдайда өткізілді. Сотталушы О.-ның кінәсі жәбірленуші мен куәгерлердің айғақтарымен, сот-медициналық сараптама қорытындыларымен және іс бойынша зерттелген басқа да дәлелдемелермен расталды. Прокурор О.-ға 20 жыл бас бостандығынан айыру жазасын тағайындауды сұрады. Алайда сотталушы зорлау бойынша тағылған айыпты мойындамады, ал сексуалдық сипаттағы зорлық әрекеттері бойынша ішінара кінәсін мойындады.

«Сот О.-ның мас күйінде аса ауыр екі қылмыс жасағанын, бұрын сотталғанын және оның әрекеттері қылмыстардың қауіпті қайталануы ретінде танылғанын ескерді.  Нәтижесінде сотталушы О.-ға 20 жылға бас бостандығынан айыру; өмір бойына педагогикалық және кәмелетке толмағандармен жұмыс істеуге байланысты лауазымдарды атқару құқығынан айыру жазасы тағайындалды», — делінген хабарламада.

Сонымен қатар сот жәбірленушінің талап арызын қанағаттандырып, моральдық зиян ретінде 7 миллион теңге өндіріп беру туралы шешім шығарды. Үкім заңды күшіне енген жоқ.