Қытайдағы құмды дауыл: Бейжіңде 700 әуе рейсі тоқтады

Бейжіңде боран мен құмды дауылдың кесірінен 700-ге жуық рейс кейінге шегерілді. Миллиондаған адам үйінен шыға алмай, қала орталығының астаң-кестеңі шығып жатыр, деп хабарлайды Todayinfo. Reuters агенттігінің ақпаратына қарағанда Бейжіңде 75 жылдан кейін алғаш рет дәл осындай жойқын құмды дауыл соғып. Бейжің аспаны бұлттан емес, құмнан қараңғыланып тұр.

«Жел аяғыңыздан шалып құлатады, шатырларды жұлып, ағаштарды құлатып жатыр. Желдің екпіні 150 км/сағ жетеді. Бұл – соңғы 75 жылдағы ең күшті жел. Екі негізгі әуежай – Пекин-Шоуду және Пекин-Дасин 700-ге жуық рейсті тоқтатты», - деп хабарлайды аталмыш агенттік.

Табиғи апаттан қаладағы көптеген нысандар жұмысын уақытша тоқтатты. Ал көшелерде көріну деңгейі нөлге тең.