Қазақстанда 2028 жылға дейін төрт жаңа әуежай, екі ұшу-қону жолағын салып, бес қалада инфрақұрылымды жаңғырту жоспарланған. Көлік министрлігі Orda.kz сауалына жауап беріп, жобалардың егжей-тегжейін ашты, деп хабарлайды Todayinfo ақпарат агенттігі.
Жаңа әуежайлардың негізгі бөлігін «Қазаэронавигация» республикалық мемлекеттік кәсіпорны өз қаражаты есебінен қаржыландырған. Алайда демалыс маусымында жаңа әуежайларға ұшып келу мүмкін болмайды, себебі Катон-Қарағай, Зайсан және Кендірлідегі жұмыстарды 2026 жылдың соңына дейін аяқтау жоспарланған.
«Бұл жобаларды іске асыруды РМК «Қазаэронавигация» өз қаражаты есебінен қамтамасыз етті. Арқалықтағы әуежайдың құрылысы республикалық бюджеттен қаржыландырылды», – делінген ведомство хабарламасында.
«Қазаэронавигация» сайтында олардың қызметкерлері халықаралық стандарттарға сәйкес әуе қозғалысына қауіпсіз қызмет көрсетумен айналысатыны көрсетілген. Бұған дейін Алматы халықаралық әуежайы ірі жаңғырту жүргізіп, өңірдегі ірі авиациялық торап мәртебесін нығайтқаны хабарланған.
