«40 жастағы жігіт өлді»: Қарағанды қаласында белгілі кәсіпкер ұсталды

Қарағанды қаласында адам өліміне себепкер болған жол көлік оқиғасына тың деректер шықты, деп хабарлайды Todayinfo. Қаланың ортасында алты көлік соғысып, оның салдарынан 1 адам қаза таптқан еді. Оқиғаға қатысы бар деген күдікпен белгілі кәсіпкер ұсталды. БАҚ жазуынша, жылдамдықпен ұшып келіп, жеңіл көлікке, содан кейін инерция бойынша тағы бірнеше автокөлікке соғысқан жол талғамайтын көліктің жүргізушісі - белгілі кәсіпкер, «Қазгидромаш» басшысы Сергей Камаев болып шыққан. Жүргізушінің өзі көлігімде ақау болды деп ақталған. Жантүршігерлік жол апатынан 40 жастағы «Ниссан» жүргізушісі қаза тапты. Оның жүкті әйелі де көлікте отырған, ол ауруханаға жеткізілді. Жол апаты 2 қыркүйек күні сағат 14:15 шамасында Аманжолов көшесінде болған еді. https://www.youtube.com/watch?v=RTsN8eE1ZNk