Ақнәр Гүлстанның өліміне қатысты істі ҰҚК тергеп жатыр

Фото: dalanews.kz Қоғамдық резонанс тудырған 22 жастағы студент Ақнәр Гүлстанның өліміне қатысты қылмыстық іс ҰҚК тергеуінде, деп хабарлайды Todayinfo.kz ақпарат агенттігі. Ведомствоның мәліметінше, аталған факт бойынша сотқа дейінгі тергеп-тексеру жүргізілуде.

«ҚР Қылмыстық-процестік кодексінің 201-бабы 1-бөлігіне сәйкес өзге ақпарат жария етілуге жатпайды», – делінген ҰҚК редакцияның ресми сауалына берген жауабында.

Тергеу қай бап бойынша жүргізіліп жатқаны әзірге нақтыланбады. Бұған дейін 2024 жыл 20 шілдеде Алматыда 22 жастағы студент Ақнәр Гүлстан қаза тапқаны туралы ақпарат тарады. Тергеу нұсқасына сәйкес, ол тұрғын үй кешенінің жетінші қабатындағы пәтер терезесінен құлаған. Алайда марқұмның анасы Гүлстан Хамит қызы қызының өзіне қол жұмсауы мүмкін еместігін айтып, дабыл қаққан. Ал желіде адам өліміне қатысты резонанс туды.