Жезқазғанда Наурыз мейрамына орай даладағы сахнаны безендіріп жүріп биіктен құлаған ер адам ауруханада жатып қайтыс болды, деп хабарлайды Todayinfo Patriotnews– ке сілтеме жасап.
Оқиға 14 наурызда облыс әкімдігінің алдында болған. 55 жастағы Жанис-Лаурис Вильчинскас 3 метр биіктіктен құлап, жансақтау бөліміне түскен.
Жеке кәсіпкер ретінде тіркелген ол Наурыз мейрамына арнап сахнаны безендіру жұмыстарына тартылған.
Жанис-Лаурис Вильчинскас мерекелік плакат іліп жатқан кезде құлаған. Әріптестері жедел жәрдем шақырған. Оған екінші дәрежелі кома, биіктіктегі өндірістік жарақат, политравма, ашық бас миының жарақаты, фронтемпоральды лобтың контузиялық-геморрагиялық ошақтары, мидың ісінуі деген диагноз қойылған.
18 наурызда оған операция жасалды, содан кейін бірден қайтыс болған.
Облыс мәдениет басқармасының басшысы Гүлзада Кәрібекқызы ведомство кәсіпкерді қандай жұмыс түрлеріне тартқанын хабарлаудан бас тартқан.
«Ол құлағаннан кейін тіл тартпай кеткен жоқ. Ол біраз уақыт ауруханада жатты, сондықтан оның өлімін қызметпен байланыстырудың қажеті жоқ. Біз оны жұмысқа тартқан жоқпыз. Ол жерде не істегенін де білмеймін», — деді өңірдің мәдениет басқармасының басшысы.
Жезқазған полиция басқармасы қылмыстық іс қозғады.
«Аталған факті бойынша Жезқазған қаласының полиция басқармасы қылмыстық іс қозғады. Тергеу жүргізіліп, тиісті сараптамалар тағайындалды», – деді Ұлытау облыстық полиция департаменті бастығының орынбасары Алмаз Саламатов.
