Сыбайлас жемқорлық фактілері туралы хабарлаған азаматтарды ынталандыру — жемқорлыққа қарсы іс-қимылдың тиімді құралдарының бірі болып табылады, деп хабарлайды Todayinfo ақпараттық агенттігі.
Ағымдағы жылы Қызылорда облысында сыбайлас жемқорлық фактілері туралы уақтылы мәлімдегені үшін Қалалық полиция басқармасының Жергілікті полиция бөлімінің қызметкерлері мен Қылмыстық-атқару жүйесі департаментінің қызметкері Сыбайлас жемқорлыққа қарсы қызмет департаменті басшысының грамотасымен марапатталды.
Сыбайлас жемқорлық туралы ақпарат берген тұлғаларды қорғау ҚР «Сыбайлас жемқорлыққа қарсы іс-қимыл туралы» Заңына сәйкес жүзеге асырылады. Заң бойынша, осындай фактілерді хабарлағандар тек ақшалай ынталандырумен ғана емес, сонымен қатар мемлекеттік қорғауға да ие болады.
Агенттік өкілдері азаматтарды жемқорлық көріністеріне бейжай қарамауға және құқық бұзушылық фактілерін жасырмай, хабарлауға шақырады. Сыбайлас жемқорлық фактісіне тап болған жағдайда ҚР Сыбайлас жемқорлыққа қарсы іс-қимыл агенттігінің 1424 call-орталығына немесе Департаменттің 8 (7242) 230690 кезекші телефонына хабарласуға болады.
