Абайдың туған жері Семей өңірінде ұлы ақынның 180 жылдығына арналған онкүндік мерейтойлық шаралар өз мәресіне жетті. Жер-жерден жиналған халық, той тойлап, ұлттық өнермен сусындап, ұлттық спортты тамашалап рухани байып қайтты деп айтуға болады, деп хабарлайды todayinfo.kz
Өз кезегінде мәжіліс депутаты Ринат Зайытов Абайдың 180 жылдығының ұйымдастырылу барысына баға беріп, өңір басшысының атқарып жатқан жұмысын бағалады.
«Жалпы әкім мақтамайтын адаммын. Бірақ, кеше Семейге барған кезімде қаланың жағдайын көріп үлкен жұмыс атқарылғанына көзім жетті. Себебі бірінші халықтың көңіл-күйін өзгерту үлкен жұмыстың нәтижесі. Мұның барлығы Берік Уәлиұлының атқарып жатқан орасан еңбегі. Басқа алып-қосарым жоқ. Әлі де талай жұмыс атқарылады деп сенемін», деді халық қалаулысы.
Сондай-ақ, мәжілісмен аймақты 30 жыл қараусыз қалдырған ескі жүйені де сынға алды.
«Егер Назарбаев жүйесі ауыспағанда Семей өңірінің қазіргі хәлі мүшкіл болар еді. Әділдікті талап еткен өңір азаматтарының табанды мінезі билікке ұнай қоймаған соң, аймаққа тиісінше көңіл бөліне қоймады. Қазір, құдайға шүкір Мемлекет басшысы жеке Абай облысын ашып берді, жағдай әлдеқайда жақсарды», деп қорытындылады ол.
Фото: todayinfo
