Балқашта 8 жастағы баланы ұрып-соққан ер адам екі айға қамалды, деп хабарлайды todayinfo.kz
Бұл туралы Қарағанды облысының Полиция департаменті хабарлады.
«Күдікті ұсталып, уақытша ұстау изоляторына қамалды. Сот екі айға санкция берді», – делінген хабарламада.
Айта кетейік, 4 тамызда Балқаштық келіншек әлеуметтік желіде ұлына күш қолданылғанын жеткізген болатын. Оның айтуынша, ер адам ұлының саусақтарын сындырып, басынан ұрып, денесін күйдірген.
Полиция кәмелеттік жасқа толмаған балаға дене жарақатын келтіру фактісі бойынша сотқа дейінгі тергеу бастады.
