Қазақстандық боксшылар Астанада өтіп жатқан жастар арасындағы Азия чемпионатында сәтті өнер көрсетіп жатыр, деп хабарлайды Sports.kz.
Жарыстың екінші күні шаршы алаңға алты боксшы шығып, барлығы жеңіске жетті. Жекпе-жек 22 жасқа дейінгі спортшылар арасындағы турнир аясында өтті.
Жекпе-жек қорытындысы төмендегідей:
48 кг. Ернар Қарап (Қазақстан) — Махер Аль-Машалех (Иордания) – Қарап төрешілердің бірауыздан қабылдаған шешімімен жеңіске жетті.
54 кг. Нұрсұлтан Алтынбек (Қазақстан) — Деонисио Дови Монтерио Рамос (Шығыс Тимор) — Алтынбек бірауыздан жеңіске жетті.
57 кг. Ерболат Сабыр (Қазақстан) – Ислам Торобаев (Қырғызстан) – Сабыр бірауыздан жеңіске жетті.
63,5 кг. Ерасыл Таңқай (Қазақстан) — Асқатбек Чомонов (Қырғызстан) — Таңқай бірауыздан жеңіске жетті.
67 кг. Елнұр Сүйінбай (Қазақстан) — Омар Әл-Хадиди (Иордания) – Сүйінбай бірінші раундта техникалық нокаутпен жеңіске жетті.
71 кг. Сабыржан Аққалықов (Қазақстан) – Эльдар Турдубаев (Қырғызстан) – Аққалықов төрешілердің екі жақты шешімімен жеңіске жетті.
