Астанада 13 қыркүйекте Димаш Құдайберген жеке концерт өткізеді. Бұл туралы әнші Instagram желісіндегі парақшасына жазды, деп хабарлады Todayinfo тілшісі.
Әлемге әйгілі әншінің кеші 8-14 қыркүйек аралығында өтетін V Дүниежүзілік көшпенділер ойындары аясында ұйымдастырылады.
«Дүние жүзінің 100 ден астам мемлекетінен түрлі сайыстарға қатысу үшін 4 мыңнан астам спортшылар келеді деп күтіледі. Осы әдемі мереке аясында Мәдениет және ақпарат министрлігінің қолдауымен , «ДимашАли» шығармашылық орталығының ұйымдастыруымен «Астана аренада» менің «Stranger» атты жеке концертім өтеді», – деп жазды Димаш.
Билеттер сатылымына қатысты ақпарат жақын күндері беріледі.
