Қазақстандық аралас жекпе-жек шебері Мөлдір Әшірбекова ММА IMMAF бойынша ел тарихындағы тұңғыш әлем чемпионы атанды, деп хабарлайды Todayinfo.
Қазір Ташкентте Халықаралық аралас жекпе-жек федерациясының (IMMAF) қамқорлығымен аралас жекпе-жектен әлем чемпионаты өтіп жатыр. Мөлдір Әшірбекова 74,8 келі салмақта өнер көрсетіп, алтыннан алқа тақты.
Ширек финалда қазақстандық қыз анголалық Эсперанса Чилаланы 17:5 есебімен ұтса, жартылай финалда тағы бір анголалық Джорджина Людмиланы да айқын басымдықпен (11:1) жеңді.
Содан кейін Мөлдір Әшірбекова финалдық кездесуде мексикалық Мелисса Диас Мединамен кездесіп, 13:1 есебімен жеңіске жетті.
— Мөлдір – Қазақстан тарихындағы тұңғыш әлем чемпионы. Бұл – тарихи жеңіс, — деп хабарлады Қазақстан аралас жекпе-жек федерациясының баспасөз қызметі.
