Фото: info.homsters.kz
Қазақстан Республикасы Ауыл шаруашылығы министрлігі Жер ресурстарын басқару комитетінің тапсырмасы шеңберінде Алматы облысында пайдаланылмайтын ауыл шаруашылығы жерлерін қайтару бойынша жұмыстар белсенді жүргізілуде. Бүгінгі таңда мемлекет меншігіне 9135,0 га жер учаскесі қайтарылды, деп хабарлайды Тodayinfo ақпараттық порталы.
Алматы облысы жер қатынастары басқармасының басшысы Аманжол Кеңесбайұлы атап өткендей, жерді алып қою және мемлекеттік меншікке қайтару жұмыстары жоспарлы түрде жүргізілуде және тұрақты бақылауда.
2024 жылы мемлекет меншігіне 89,7 мың га 357 жер учаскесі қайтарылды. Осылайша, жоспар 128% орындалды. Бұл жұмыс жер ресурстарын тиімді пайдалануға бағытталған және ағымдағы жылдың соңына дейін жалғасады. 2025 жылға мақсаты бойынша пайдаланылмайтын немесе жер заңнамасын бұза отырып берілген ауыл шаруашылығы мақсатындағы тағы 90 мың гектар жерді қайтару жоспарланған.
Басқарманың мәліметінше, 2025 жылдың басынан бастап қайтарылған жерлердің 559,0 га жерлері бойынша типтік жалдау шарттарын жою туралы сот шешімдері шығарылды. Қалған 8 576,0 га жер учаскелерін иелері өз еркімен немесе басқа заңды процедуралар арқылы қайтарды.
Өңірде пайдаланылмаған және заңсыз берілген жер учаскелерін анықтау жұмыстары жалғасуда. Билік ауыл шаруашылығын дамыту және елдің азық-түлік қауіпсіздігін арттыру үшін жер ресурстарын тиімді пайдаланудың маңыздылығын атап көрсетеді.
