Жетісу облысы Ақсу аудандық сотының төрағасы Нұрлан Шәймерденовке қатысты қылмыстық іс қозғалды. Бұл туралы Todayinfo ақпарат агенттігі хабарлайды.
Сыбайлас жемқорлыққа қарсы қызмет (Антикор) аталған іс бойынша тергеудің басталғанын растады. Алайда ҚР Қылмыстық кодексінің 201-бабына сәйкес, тергеу мүддесіне байланысты қосымша ақпарат жарияланбайтыны мәлімделді.
Нұрлан Шәймерденов кім?
Нұрлан Шәймерденов 2009 жылы Алматы облысы Талғар аудандық сотының судьясы болып тағайындалған. Бұл қызметті 2021 жылдың қараша айына дейін атқарды. Кейін Алматы облысы Ақсу аудандық сотының төрағасы болып бекітілген.
Қазіргі уақытта тергеу амалдары жүріп жатыр, ал сот төрағасына қандай айып тағылғаны туралы нақты мәлімет берілген жоқ.
