Фото: Владислав Шатило / РБК
«Крокус интернэшнл» компаниясы «Крокус сити холл» концерт залында болған теракт ісі бойынша ресми түрде зардап шегуші деп танылды. Бұл туралы тергеу материалдарында көрсетілген, деп хабарлайды Тodayinfo ақпараттық порталы.
Құжатта Араз Агаларовқа тиесілі «Крокус интернэшнл» акционерлік қоғамының террористік шабуыл, қару мен жарылғыш заттарды заңсыз айналымға шығару және террористік ұйым қызметіне қатысу баптары бойынша қозғалған қылмыстық істе зардап шегуші деп танылғаны жазылған.
Теракт кезінде концерт залы қатты зақымданып, «Крокус сити холл» қазіргі уақытта пайдаланылмайды.
Ресей Федерациясының Қылмыстық-процессуалдық кодексіне сәйкес, зардап шегуші іс материалдарымен толық танысуға, сот процесіне қатысуға, дәлелдер ұсынуға және азаматтық талап қоюға құқылы. Егер зардап шегуші заңды тұлға болса, бұл құқықтар оның өкілі арқылы жүзеге асырылады.
Тергеу комитеті бұған дейін «Крокус сити холлдағы» теракт ісі бойынша тергеудің аяқталғанын хабарлаған. Қазіргі уақытта тараптар қылмыстық іс материалдарымен танысып жатыр.
Теракт кезінде 145 адам қаза тауып, 550 адам жарақат алған еді.
