Фото: Видеодан скриншот
Әлеуметтік желіде Астанадағы тұрғын үйлердің бірінің лифтінде белгісіз жасөспірімнің кішкентай балаға пышақпен шабуыл жасағаны туралы ақпарат тарады, деп хабарлайды Тodayinfo ақпараттық порталы.
Көпқабатты үйлердің бірінде 14 жастағы жасөспірім қолындағы пышақпен лифтіде тұрған 5 жасар балаға шабуылдап, қолындағы пышақпен бетін тілгілеп тастаған.
Жарақат алған бала Астана қаласындағы №2 қалалық ауруханаға жеткізді. Травматолог пен жақ-бет хирургі баланы тексерген.
Бала жақ-бет хирургиясы бөліміне жатқызылды. Жәбірленуші небәрі 5 жаста.
Лифтінің ішінде пышақпен балаға шабуыл жасаған адам – психоневрологиялық диспансерде есепте тұрған кәмелетке толмаған жасөспірім болып шықты.Оның заңды өкілдері полицияға шақырылды, олар ата-аналық міндетін тиісінше орындамағаны үшін заңға сәйкес қатаң жауапқа тартылады.
Департамент мәліметінше, зардап шеккен сәби ауруханаға жатқызылып, қажетті медициналық көмек көрсетілді.
Аталған факті бойынша қылмыстық іс қозғалды. Шабуыл жасаған жасөспірім қажетті тергеу амалдары жүргізілгеннен кейін белгіленген тәртіппен оқшауланады, — делінген таратылған ақпаратта.
Оқыс жағдайға қатысты қалалық Денсаулық сақтау басқармасы да мәлімдеме жасады.
«Бетінен бірнеше жерден жара алған бала жедел-медициналық жәрдем бригадасы №2 Көпбейінді қалалық балалар ауруханасына жеткізді. Баланың жағдайын кезекші травматолог және жақ-бет хирургы қарады. Баланың жалпы жағдайы – ауыр. Жақ-бет хирургиясы бөлімшесіне жатқызылды.
Аталған факті бойынша қылмыстық іс қозғалды.
Тергеу әрекеттерінен кейін жасөспірім оқшауланады.
