Фото: freepik
АҚШ президенті Дональд Трамптың Таяу Шығыстағы арнайы өкілі Стив Уиткоффтың ұшағы Мәскеуге қонды, деп хабарлайды Тodayinfo ақпараттық порталы.
Flightradar мәліметтері бойынша, Стив Уиткофф Gulfstream G650ER бизнес-ұшағымен Мәскеудегі Внуково әуежайына қонды. Бірақ Ресей президентінің баспасөз хатшысы Дмитрий Песков Кремльде Трамптың арнайы елшісінің келетіні туралы ақпарат жоқ екенін мәлімдеді.
Стив Уиткофф — америкалық кәсіпкер, коммерциялық жылжымайтын мүлік инвесторы. 2024 жылдың желтоқсанында ол АҚШ-тың 47-ші президенті Дональд Трамптың Таяу Шығыстағы арнайы өкілі болып сайланды.