Фото: Караван
7 Egoist лақап атымен белгілі Қайрат есімді блогер Меккеге қажылыққа барушыларды қатаң сынға алды. Оның пікірі қоғамда қызу талқыға түсті, деп хабарлайды Тodayinfo ақпараттық порталы.
Блогер арабтардың мәдениеті мен әдет-ғұрыптарын қатты сынға алып, олардан үлгі алудың дұрыс еместігін айтты. Ол Меккеге баратын танымал тұлғалардың әрекетін жарнама деп бағалап, бұл сапарларға діни ұйымдардан қаржылай қолдау көрсетілетінін мәлімдеді.
«Арабтар халқына туризм мен таусылмайтын байлықты қалдырып, Меккені жақсы жарнамалау арқылы пайда көріп отыр. Бірақ бұл ұзаққа созылмайды. Қазіргі жастардың аз бөлігі ғана ойлана бастады, ал келесі ұрпақта дін болмайды», — дейді блогер.
Оның сөзінше, Меккедегі жағдайлар гигиена талаптарына сай келмейді, қажылыққа барғандардың арасында денсаулыққа қауіп төндіретін жағдайлар көп.
«Меккеде бір-біріне тығылысып жүрген адамдарды көрсеңіз, бұл әрекеттерден жүрегі қысылып өліп кету қаупі бар. Ал әйелдер мен еркектердің араласуына тыйым салынғанымен, ондағы тәртіп өте бейберекет. Мысалы, қасиетті тасты сүйіп жатқан кезде гигиена туралы ойлайтындар аз», — дейді ол.
