Қарағанды – Теміртау тас жолында ірі жол апаты орын алды. Автобус жүк көлігінің кузовына соғылып, салдарынан бір жолаушы қаза тапты, деп хабарлайды Тodayinfo ақпараттық порталы.
Жол-көлік оқиғасы 16:30 шамасында, Қарағандыдан Теміртауға бағыт алған жолдың бірінші шақырымында болған. Автобус қатты соққыға ұшырап, кабинасының оң жағы қатты майысты.
Автобуста барлығы төрт жолаушы болған. Өкінішке қарай, 26 жастағы жолаушы алған жарақаттарынан оқиға орнында жан тапсырды. Қалған жолаушылардың жағдайы нақтылануда.
Құқық қорғау органдары бұл факті бойынша қылмыстық іс қозғап, тиісті сараптамалар тағайындады. Оқиғаның нақты себептері анықталуда.
