Қостанай қаласындағы Береке шағын ауданында үш жасар бала пәтерде жалғыз қалып, өрт шығу қаупі туындады, деп хабарлайды Todayinfo ақпарат агенттігі
Оқиға баланың анасы балконға шыққан сәтте, оның есікті іштен жауып алуынан болған. Сол уақытта пеште тамақ дайындалып, өрт қаупін тудырған.
Абырой болғанда, әйелдің телефоны қасында болып, ол 112 желісіне дереу қоңырау шалған. Төтенше жағдайлар министрлігінің құтқарушылары жоғарыдағы пәтердің балконы арқылы түсіп, есікті ашып, баланы аман алып қалды.
