Танымал әнші Төреғали Төреәлінің концерті кейінге шегерілді. Бұл туралы Халық әртісі Мақпал Жүнісова әлеуметтік желідегі парақшасында хабарлады, деп хабарлайды Todayinfo ақпарат агенттігі.
«Төреғалидің концерті кейінге қалдырылыпты. Әншінің концерті денсаулығына байланысты шегерілген. Сатылған билеттер түгел қайтарылады», – деп жазды эстрада жұлдызы.
Төреғали Төреәлінің әкесі де бұл ақпаратты растап, халыққа үндеу жасады:
«Ассалаумағалейкум, ардақты ағайын! Қасиетті Рамазан айында ұстап жатқан оразаларыңыз қабыл болсын. Адам баласы бүгінгі, ертеңгі күндерінің кестесін Алламен келісімшартқа отырып қоя алмайтыны мәлім. Төреш баламыздың денсаулығына байланысты алдағы күндері жоспарланған концерттерді кейінге шегіндірдік. «Адамның айтқаны емес, Алланың айтқаны болады» деген. Алла шипасын беріп, тез сауығып, алдарыңызға жарқырап шығуын нәсіп етсін. Дұғада болыңыздар, жақсыларым! Бұлттың артынан күн шығары анық қой, ауырмаңыздар!», – деп жазды ол.
Әншінің жанкүйерлері оның сауығып, сахнаға оралуын асыға күтуде.
