Танымал әнші, актриса Жанар Айжанова Ләйлә Сұлтанқызына берген сұхбатында ұрпақтың қыз жақтан тарайтыны туралы ойын білдірді, деп хабарлайды Todayinfo.
Жанар Айжанова немере мен жиеннің орны туралы дәстүрлі көзқараспен келіспейтінін айтты.
«Қыздан туған бала немере емес дейді. Ол қалай сонда? Қыздан туған бала немере болмайды дегенге келіспеймін. Немеренің екі атасы, екі әжесі болады: нағашы атасы мен нағашы әжесі және өз атасы мен әжесі. Қалған нағашыларына жиен болады. Бірақ тұқым негізі қыздан тарайды. Ол өзінің туған атасы мен әжесімен қатарласып, құрдасындай ойнап өсуі керек. Ал нағашы атасы мен әжесімен олай еркін ойнай алмайды», – деді әнші.
Жанар Айжанованың бұл пікірі әлеуметтік желіде қызу талқыланып, көпшіліктің қолдауына ие болды.
