Қазақстан бокс федерациясы әлем чемпионатының жүлдегерлеріне қомақты сыйақы бермек. 8-16 наурыз аралығында Ниш (Сербия) қаласында өткен әйелдер арасындағы әлем чемпионатының нәтижесінде жеңімпаз және жүлдегер атанған Қазақстан спортшылары Халықаралық бокс қауымдастығы (IBA) тарапынан ақшалай сыйақыға ие болды, деп хабарлайды Todayinfo ақпарат порталы.
Сонымен қатар, боксшыларға Қазақстан бокс федерациясы тарапынан да қаржылай сыйақы табысталады:
Назым Қызайбай – 100 мың АҚШ доллары ҚФФ, 100 мың АҚШ доллары IBA ұйымынан
Алуа Балқыбекова – 100 мың АҚШ доллары ҚФФ, 100 мың АҚШ доллары IBA
Аида Әбікеева – 100 мың АҚШ доллары ҚФФ, 100 мың АҚШ доллары IBA
Виктория Графеева – 50 мың АҚШ доллары ҚФФ, 50 мың доллар IBA
Елдана Талипова – 50 мың Ақш доллары ҚФФ, 50 мың АҚШ доллары IBA
Наталья Богданова – 25 мың АҚШ доллары ҚФФ, 25 мың АҚШ доллары IBA
Бұдан бөлек, бапкерлер мен дәрігерлерге де Қазақстан бокс федерациясы тарапынан сыйақы қарастырылып отыр.
Еске салайық, бұған дейін ережесіз жекпе жектің шебері Қуат Хамит чемпиондарға берілетін сыйақы мөлшерін эскорт қыздардың табысынан төмен деп сынға алған еді.
