Ақмарал Әлназарова Шу ауруханасында көз жұмған жүкті әйелдің өліміне қатысты пікір білдірді, деп хабарлайды Todayinfo.
«Анасын, жұбайын жоғалтқан отбасыға көңіл айтамын. Жағдайдан хабарымыз бар. Денсаулық сақтау министрлігінің қарамағындағы медициналық қызметтік бақылау комитетінің төрағасының орынбасарын шұғыл түрде Жамбыл облысына іссапарға жібердік. Тиісті комиссия құрылды, соның қорытындысы шыққанда шаралар қабылданады», — деді министр.
Еске салсақ, бірнеше күн бұрын Шу ауруханасына түскен аяғы ауыр келіншек жұмбақ жағдайда қайтыс болған еді. Оның денесін туыстары ғимараттың жертөлесінен тауып алған.
