Медициналық практиканы және озық технологияны қолдануды ұдайы жетілдіру шеңберінде Алматы Орталық қалалық клиникалық ауруханасында жаңа жоғары технологиялық хирургиялық аппаратты пайдалана отырып, аденоманы алып тастау қолға алынды. Жетекші хирург және оператор, Мәскеу урологиялық орталығының лазерлік хирургия бағытының жетекшісі, доктор Андреев стационардың урологтарына қуық асты безінің қатерсіз гиперплазиясының вапорезекциясы және вапоэнуклиясы бойынша екі күндік шеберлік сабағын өткізді.
Аталған шеберлік сабағы шеңберінде аденома атауымен таныс, простата безінің қатерсіз ісігіне шалдыққан 6 науқасқа сәтті ота жасалды.
Бұл оталар хирургиялық лазердің көмегімен соңғы буынды ультра заманауи жабдықты қолдану арқылы жүзеге асырылды.
Бұл жаңа құрылғыны қолдану хирургтарға оңалту кезеңін қысқартып, науқастардың нәтижелерін жақсарта отырып, оталарды дәлірек және тиімді жүргізуге мүмкіндік береді.
— Қуық асты безінің қатерсіз гиперплазиясы диагнозы қойылған 6 науқасқа ота жасалды — барлығы асқынусыз өтті. Динамика оң. Барлық ота қан жоғалтпай өтті, — деп атап өтті Орталық қалалық клиникалық аурухананың уролог-дәрігері Азиз Сулиев.
Бұл науқастардың өмір сүру сапасын жақсартуға және қаладағы денсаулық сақтау деңгейін көтеруге ықпал ететін медицина саласын дамытудағы маңызды қадам.
