Фото: kamshat__zholdybayeva
Танымал тележүргізуші Анна Данченко әнші Кәмшат Жолдыбаеваның ана атанғанын Instagram парақшасында мәлімдеді, деп хабарлайды Тodayinfo ақпараттық порталы.
Анна Данченко бірнеше ай бұрын Кәмшат Жолдыбаеваның сәбилі болғанын растады. Осы сүйінші жаңалық әлеуметтік желіде қызу талқыға түсті.
«Кеше осы сүйінші жаңалықпен бөліскен едім. Барлық сайттар мен оқырмандар шулап кетті. Ақпарат ресми түрде шыққан соң ғана құттықтадым. Жекеме неше түрлі хаттар келді», — дейді тележүргізуші.
Анна Данченконың айтуынша, әнші 2-3 ай бұрын босанған. Ол қазір ата-енесімен бірге тұрады.
«Тіпті кішкентай қызының суреттерін жіберіп жатқандар да бар. Отбасы болған соң, Алланың қалауымен балалы болды. Өздері қаласа, кейінірек бөпесін көрсетеді. Олар тыныш өмірді қалайды. Бақытты болсын» — деп жазды тележүргізуші.
Қазіргі уақытта әншінің отбасы жеке өмірін құпия ұстауды жөн санап отыр.
