Марқұм Алина Серікованың ағасы Бауыржан Жолжан қарындасының атына мәжбүрлі түрде рәсімделген несиенің тағдыры туралы айтып берді, деп хабарлайды Тodayinfo ақпараттық порталы.
«2024 жылдың мамыр айында қарындасымның қайғылы оқиғасынан кейін оның барлық есепшотын жаптым. Сот үкімі бойынша, бұл несиені айыпталушылардың отбасылары өтеуі тиіс. Әзірге оған ешқандай өсімпұл қосылмайды. Олар ақшаны қайтарған соң есепшотты қайта ашып, несиені толық жабамын», – деді Бауыржан Жолжан.
Сот отырысында болған дау
Іс бойынша айыпталушылардың бірінің адвокаты Бауыржан Жолжанға қарсы арыз түсіргені белгілі болды. Адвокат сот отырыстарында қорғанысының буллингке ұшырағанын және бірнеше рет қорқыту хабарламалары алғанын мәлімдеді.
Оқиғаға қысқаша шолу
Еске сала кетейік, 2024 жылдың мамыр айында әлеуметтік желіде Алина Серікованың биік ғимараттан секірген сәті бейнеленген видео тараған болатын. Қайғылы оқиға 19-мөлтек ауданда орналасқан №40 үйде болған. Марқұмның өліміне қатысы бар күдіктілер сотталып, қылмыстық жауапкершілікке тартылды.
