Фото: Видеодан кадр
Нью-Джерсидегі Ньюарк Либерти әуежайынан ұшып шыққан ұшақ өртке оранды. Әуе лайнерінің қозғалтқышы кенеттен өртеніп, экипажы ұшақты шұғыл түрде қондырып үлгерген, деп хабарлайды Todayinfo.
Ұшу туралы мәліметтерге сәйкес, борт ұшқаннан кейін тоғыз минуттан кейін қонуға мәжбүр болды.
New York Post басылымы Нью-Йорк пен Нью-Джерси порт әкімшілігінің, сондай-ақ FedEx мәліметтері бойынша, Boeing 767 ұшағының өртенуіне құстар себепкер болған.
«Ньюарктан Индианаполиске ұшып шықұан FedEx 3609 рейсі ұшу кезінде құспен соқтығысқан. Біздің экипаж төтенше жағдай жариялап, Ньюаркке аман-есен оралды. Біз ұшқыштар мен шұғыл қызметтердің жедел әрекеттері үшін ризамыз», — деді FedEx өкілі басылымға берген түсініктемесінде.
Қозғалтқыштың зақымдануының нақты дәрежесі мен өрттің ауқымы әлі нақтыланбаған, алайда кейінірек ұшаққа сапарды қайта жалғастыруға рұқсат берілгені атап өтілді. Әуе кемесінде болған жолаушылардан ешкім зардап шеккен жоқ.
