Астанада өткен Құрлықтық хоккей лигасы аясындағы «Барыс» пен Санкт-Петербургтің СКА клубтары арасындағы матч ерекше сәтпен есте қалды, деп хабарлайды Тodayinfo ақпараттық порталы.
Матч барысында жанкүйерлердің бірі сүйіктісіне көпшіліктің көзінше тұрмысқа шығу туралы ұсыныс жасады, алайда қыз бұл ұсыныстан бас тартты,
Бұл күтпеген сәтті трибунада отырған жанкүйерлердің бірі видеоға түсіріп, әлеуметтік желіде бөлісті.
Оқиға қызу талқыға түсті. Көпшілік қыздың батылдығын қолдаса, кейбіреулері жігітке қолдау білдірді: «Дұрыс істедің, жігіттің қымбат уақытын үнемдедің», «Сонда ол не істеуі керек еді, келісім беріп алып, кейін бас тартуы ма?»,«Қолдаған Барсикке жарайсың! Менің де осындай мысығым болса, үйленбеуші едім».
Видеоның соңында «Барыс» клубының маскоты Барсик құлазып қалған жігітті құшақтап, трибунадан бірге кетіп бара жатқаны көрінеді.
