Фото: Мүфтият
Желіде экс-мүфти Серікбай Ораздың бейнежазбасы қоғамда қызу талқыға түсті. Видеода экс-мүфтидің қауіпсіздік белдігін тақпай, жол қозғалысы ережелерін бұзғаны, сондай-ақ «Нұр-Мүбарак» университетін жарнамалап бара жатқаны көрсетілген, деп хабарлайды Тodayinfo ақпараттық порталы.
Бұл жағдай көпшілік арасында заңның бәріне бірдей әділ қолданылуына қатысты сұрақтар туғызды.
Видеодағы көрініс экс-мүфтидің қауіпсіздік белдігін тақпағанын және жүргізуші ретінде жолға емес, камераға қарап отырғанын көрсетеді.
«Бейнежазбада «Нұр-Мүбарак» университетінің жарнамасы мен діни уағыз элементтері байқалады. Қазақстанда миссионерлік қызмет арнайы рұқсатпен ғана жүзеге асырылуы тиіс. Егер бұл әрекет заңсыз миссионерлік қызметке жатса, жауапкершілікке тарту мүмкіндігі қарастырылуы қажет. «Шығасыға иесі басшы» деген атам қазақ, Серікбай заңның алдында өзін өзі ұстап беріп отыр мынау видеосымен. Десек те, бұларға келгенде заң жүрмейді… Заңның қатал бабы таксист, аспазшы, журналист сияқты бейшараларға ғана арналған ба?!», — деді қоғам белсендісі Ораз Әлімбек.
