Фото: Ақорда
Үкімет отырысында Әділет министрі Ерлан Сәрсембаев саладағы цифрландыру үдерісі туралы баяндама жасады. Оның айтуынша, жаңа технологияларды енгізу мемлекеттік басқаруды оңтайландырып, артық шығындарды азайтуға мүмкіндік береді, деп хабарлайды Todayinfo ақпарат агенттігі.
Премьер-министр Олжас Бектенов бұл тәсілдерді қолдайтынын айтып, цифрландырудың тиімділігін ерекше атап өтті.
«Цифрландыру арқылы артық шығындарды, қажетсіз құрылымдар мен кадрларды қысқарту қажет. Соның нәтижесінде мемлекеттік ақпарат жүйелерінің тиімділігі артады. Бұл барлық мемлекеттік органдар үшін маңызды», – деді Олжас Бектенов.
Билік цифрландыру арқылы бюрократияны азайтып, мемлекеттік басқару жүйесін жаңғыртуды көздейді.
