«9-20-25» ипотекасы қашан іске қосылады

[«9-20-25» жаңа ипотекалық бағдарламасы іске қосылатын күн белгілі болды. Бұл туралы ҚР Премьер-министрі Қостанай облысына жұмыс сапары барысында айтты, деп жазды Крыша.кз. «Біз жастарға арналған «9-20-25» бағдарламасын әзірледік. Оны 1 наурыздан бастап «Отбасы банкі» арқылы іске қосамыз», - деді Әлихан Смайылов жергілікті «Новая газета» басылымында жарияланған видеода. Оның айтуынша, бағдарламаға биыл 150 млрд теңге бөлінеді. «Осылайша, 8 мыңға жуық адам «9-20-25» ипотекасын рәсімдей алады», - деп түсіндірді Смайылов. Ипотека шарттары келесідей болатыны бұрын жарияланған болатын: — сыйақы мөлшерлемесі — жылдық 9%; — бастапқы жарна — 20%; — несие мерзімі — 25 жыл. Бағдарламаға қатысушылардың өтінім берген кезде бес жыл бойы жеке баспанасы болмауы тиіс.